Кишварҳои узви Созмони Милали Муттаҳид дар ду даҳсолаи охир ба масъалаҳои оқилона истифодабарии захираҳои оби тоза ва тағйирёбии глобалии иқлим таваҷҷуҳи хос зоҳир карда истодаанд. Ба сатҳи ҷаҳони баровардани ҳалли масълаҳои экологӣ аз ташаббусҳои ҳукумати мамлакат ва Президенти Ҷумҳурии Тоҷикистон муҳтарам Эмомали Раҳмон манша мегирад. Конфронси оби Созмони Милали Муттаҳид таҳти раёсати Тоҷикистону Нидерландия низ ба ҳамин масъала бахшида шуда буд.

     Аввалин конфронсияи сатҳи баланд оид ба масъалаҳои об соли 1977 дар Аргентина баргузор шудааст. Мувофиқи маълумотҳои гуногуни оморӣ дар сайёраи Замин тақрибан 2 млиард нафар аз дастрасӣ ба оби ошомиданӣ танқисӣ мекашанд. Дар баробари ин 80% оби корхонаҳои гуногуни саноатӣ бе коркард ва безараргардонӣ ба муҳити атроф партофта мешаванд, ки ин дар навбати худ экосистемаҳои гуногуни табииро заҳролуд мекунад.

Инчунин дар шароити тағйирёбии глобалии иқлим офатҳои табиӣ махсусан хушксолӣ низ сол аз сол зиёд мушоҳида мешавад. Масъалаҳои дастрасӣ ба оби тозаи нушокӣ ва тағйирёбии глобалии иқлим проблемаи як ё ду давлат намуда дар ҳали онҳо бояд ҳамаи давлатҳои узви СММ, ташкилотҳои байналмиллалӣ саҳми худро гузоранд.

       Саҳми Ҷумҳурии Тоҷикистон дар ҳали масълаҳои номбаршуда дар сатҳ ҷаҳонӣ ниҳоят калон буда Созмони Милали Муттаҳид ташаббуси панҷуми кишвари моро дар масъалаи об якдилона бо кабули қатъномаи махсуси худ тасдиқ намуд. Тибқи ин қатнома, соли 2025 ҳамчун “Соли байналмилалии ҳифзи пиряхҳо” эълон карда шуд ва минбаъд ҳар сол рӯзи 21 март ҳамчун “Рӯзи ҷаҳонии пиряхҳо” таҷлил карда мешавад.